നിറം മങ്ങിയ കുറെ പൂവുകള്
മുറ്റം നിറയെ കരിയില പറത്താന് കുറെ മരങ്ങള്
ഉണക്കാനിട്ടിരിക്കുന്ന കുട്ടികളുടെ യൂണിഫോമും വിറകും
നനക്കാന് കുത്തി താഴോട്ടു വീഴുന്ന നശിച്ച മഴ
ചെവി തല കേള്പ്പിക്കാത കുറെ കിളികള്
കരിക്കലം തേച്ച കൈകള് തൊടാതെ,
വിയര്പ്പു ഒഴുകിയിറങ്ങിയ കഴുത്തു ചുംബിക്കാതെ,
പണയ പണ്ടത്തിന്റെ പരാതികള് കേട്ട്
തിരിഞ്ഞു കിടന്നുറങ്ങുന്ന രാവുകള്.
പ്രണയാനന്തര ജീവിതം ഓര്ക്കാന് തന്നെ വയ്യ.
No comments:
Post a Comment