ദൂരം
അച്ഛന്റെ കാലില് നിന്നുംഅമ്മയുടെ അടിവയറ്റിലേക്കുള്ള ദൂരമാണത്രെ
അനുജന് ഇപ്പോഴും ഇഴഞ്ഞു തീര്ക്കാന് ശ്രമിക്കുന്നത്...
കടലിനോട്
തിര തല്ലിയിരമ്പി ഇക്കുറി എന്നിലേക്കെത്തുമോ.
എന്റെ ഒഴുക്കെല്ലാം അവരെടുത്തു പോയെന്നൊരു കഷ്ണം പുഴ
കാത്തിരുപ്പ്.
പലര് വന്നു പോയിട്ടും അവള് വാതിലടച്ചില്ല.
വഴി തെറ്റിയെങ്കിലും വന്നാലോ
പലകുറി കിനാവ് കണ്ട ആദ്യരാത്രി.
പ്രതീക്ഷ.
അരികു പൊട്ടിയിട്ടും അടുപ്പിലിരുന്നു തിളയ്ക്കുന്നുണ്ട്
അരി വന്നേക്കുമെന്ന്
ഒരു കലം നിറയെ പ്രതീക്ഷ.
ഒളിച്ചോട്ടം.
ഉടുക്കികൊട്ടിയുണര്ത്താന് വിളക്കുമായ് ചെന്നപ്പോഴാണ്
തേവര് ഇരുട്ടുവാക്കിനു ഇറങ്ങിയോടിയെന്നു ഒരു മണി കിലുങ്ങി പറഞ്ഞത്.
No comments:
Post a Comment